BUTUAN CITY – Wala’y plano ang pamilya sa usa ka bayong-bayong nga pa-imbestigahan ang kamatayon niini human kini napalgang nagbitay na sa usa ka punuan sa kahoy, 200-metros ang gilay-on gikan sa ilang panimalay sa Purok 17, Upper Mandacpan, Brgy. San Vicente ning siyudad sa Butuan.
Base sa record sa Butuan City Police Station 1, napalgan ang patay’ng lawas sa 17-anyos nga biktima pasado alas-kwatro na kagahapon sa hapon apan ngitngit nang nakuha sa taga-Scene of the Crime Operatives kon SOCO.
Migawas sa imbestigasyon nga gikasab-an kini sa iyang inahan ning mi-aging gabii tungod sa dugay nga pag-uli.
Pagkabuntag kagahapon, milakaw kini hangtud nga gitawag na lamang sa ilang mga silingan ang iyaan niini og didto napalgang wala na’y kinabuhi ang biktima kinsa naghikog gamit ang pisi nga gihikot sa iyang li-og.
