BUTUAN CITY – Dismayado ang usa ka amahan tungod kay hapit ma-igo sa saag nga bala ang iyang 14-anyos nga dalagitang anak samtang nanan-aw sila og TV.
Sa eksklusibong pakighinabi sa Bombo Radyo Butuan, gipadayag ni Joy Escobido, residente sa Purok 9, Brgy. Poblacion. Bayugan City, Agusan del Sur, pasado alas-otso kagabii dihang kalit lang nga duna’y mibuto og kusog nga gitu-uhan niyang gibato ang ilang balay rason nga iya kining gigawas.
Sa iyang pagbalik sa balay dihang gisuhid na ang sulod nga bahin niini, didto na nila nakita ang bala sa kalibre 45 nga pistola nga 3-pulgadas lang ang gilay-on gikan sa nahimutangan sa iyang anak.
Migawas sa ilang pagpanubay uban sa kapulisan nga gikan sa nipa nila nga atop, milapos ang bala og misubay ngadto sa kurtina kansa maoy nagpahawoy sa ilang lawas tungod kay pila ka pulgadas na lang ang distansya niini, mu-igo na unta kini sa ulo sa ilang anak.
