BUTUAN CITY- Kumpirmadong patay ang anaa sa 13 ka-tao human ang kusog nga pagbuto sa pinakadakong pasilidad sa liquefied natural gas (LNG) nga Ras Laffan industrial zone sa Doha, Qatar.
Sumala ni Qatari Energy Minister Saad Sherida al-Kaabi, ang mga biktima sa pagbusikad gikan sa India ug Pakistan.
Mipa-abot usab og pahasubo ang Embahada sa India sa Doha sa mga nabiling pamilya sa mga namatay sa pagbuto ug gisiguro ang paghatag sa tanang gikinahnglang tabang sa mga niini ingon man sa mga na-angol.
Sa pagkakarun, padayon ang gihimong imbestigasyon sa hinungdan sa pagbusikad, bisan paman nga una nang gitaho nga nakasinati og “technical accident” ang Barzan local gas supply facility samtang gisudan pa lang ang operasyon niini, human mahunong niadtong Marso tungod sa lapad nga kadaot nga na-angkon niini gikan sa panagbangi sa Middle East.
