13-anyos nga bata, gikunsumo sa iyang ama-ama sugod sa 9-anyos pa siya

BUTUAN CITY – Malampusong nasikop sa kapulisan sa Butuan City Police Station kon BCPS-5 ang usa ka 53-anyos nga lalaki human niini gikunsumo sulod sa upat na ka mga tuig ang batang babayeng anak sa iyang ka-ipon sa Brgy. Tungao.

Base sa report, misumbong na sa iyang magtutudlo ang 13-anyos nga bata nga gisugdan siya og kunsumo sa iyang ama-ama dihang 9-anyos na siya.

Balik-balik matud a kining gihimo sa suspek ngadto kaniya tungod kay panagsa lang mu-uli ang iyang inahan nga ania sa sentrong bahin ning siyudad nagtrabaho.

Human nadunggan ang sumbong sa biktima, nakig-alayon gilayon sa kapulisan ang magtutudlo rason sa gihimong operasyon sa mga skaop sa BCPS-5 nga misangpot sa pagkasikop sa suspetsado.