-- ADVERTISEMENT --
BUTUAN CITY – Gibana-banang mu-abot sa 1.8-milyunes pesos ang damyos nga gibilin sa dakong sunog nga milamoy sa 85 ka mga panimalay sa may Purok 10-A, Sug-obon, Barangay Tabon, Bislig City kaganinang kaadlawon.
Migawas sa inisyal nga imbestigasyon sa Bureau of Fire Protection kon BFP-Bislig City nga wala’y na-angol sa maong sunog nga nagsugod pag-ulbo pasado alas-12:02 sa kaadlawon ug nakontrola pagka-ala-1:05 ug hingpit nga napalong ang kalayo pasado na alas-4:30 sa kaadlawon.
Mi-abot sa third alarm ang sunog nga girespondehan sa mga bombero gikan sa mga kasikbit nga lungsod sa Lingig, Hinatuan, Tagbina ug sa Bislig City 911.
Padayon pang gipakisayran kung asa naggikan ang kalayo nga mi-abo sa pinuy-anan sa 118 ka mga pamilya.
-- ADVERTISEMENT --
