BUTUAN CITY – Padayon pang gi-ila sa militar ang tinuod nga identity sausa ka rebeldeng New People’s Army kon NPA nga namatay sa engkwentro tali sa tropa sa 26th Infantry ‘Ever Onward’ Battalion didto sa bukirang bahin sa Km. 27, Brgy. Mahayahay, lungsod sa San Luis, Agusan del Sur ning mi-aging buntag.
Na-engkwentro nila sa gihimong Focused Military Operation ang mga sakop sa Guerilla Front 88 sa North Central Mindanao Regional Command nga gipangunahan ni Gerondio Domino kinsa na-ila usab nga si alyas Trunks o Nap-nap.
Sigon ni Lieutenant Colonel Romeo Jimenea, Battalion Commander sa 26th IB, nakadawat sila og mga impormasyon kalabot sa presensya sa maong grupo ngadto sa ilang lugar, rason sa combat operation nga ilang gihimo aron maprotektahan ang komunidad batuk sa pagpangabuso og pagpanghadlok.
Human ang halos 30-minutong engkwentro, nabiyaan sa mga rebelde ang ilang mga war materials anga gilangkuban sa duh aka M16A1 rifles, mga bala sa AK47 rifle og a caliber .22 revolver, usa ka hand grenade, 35 ka mga blasting cap, tulo ka cellphones, duha ka radio, mga medical paraphernalia, mga pagkaon, mga personal nga gamit og mga subersibong dokumento ng teroristang grupo.
Nakuha sab sa tropa ang 25 ka mga katulganan sa mga rebeldeng NPA sa temporayong tagu-anan.
Inisyal nga na-ilhan ang napatay nga rebeldeng NPA nga si Alyas Kilyan, gibana-banang nag-edad og 25-anyos, team leader og usa ka political guide sa Skwad 2, Sandatahang Yunit Pangpropaganda (SYP) Platun, anga maoy mang-recruit sa mga lumad og kabatan-unan sa maong lugar. (Beth Ruiz)
