BUTUAN CITY- Nakapyansa na si social media personality Jeffrey “Ka Eric” Celiz sa kantidad nga P36,000 sa Pasay City Regional Trial Court Branch 119 kagahapon, kalabot sa kasong gisang-at batok niini nga adunay kalabotan sa pagpakaylap og sayop nga impormasyon bahin sa kahimtang sa panglawas ni President Ferdinand Marcos Jr.
Sumala pa ni Jeffrey “Ka Eric” Celiz, Secretary General sa Bangon Sambayanan, nga ang reklamo gisang-at sa Department of Justice pinaagi sa National Bureau of Investigation ug naglakip sa mga kasong unlawful utterances ug unlawful use of means of publication ubos sa Cybercrime Law.
Sigon pa Celiz, nga ang iyang komentaryo adunay kalabotan sa pagka-admit o pagka-ospital sa Presidente kansa gi-angkon matud pa mismo ni President Marcos nga aduna kini chronic diverticulitis usa ka isyu nga adunay kalabotan sa public interest ug National Security. Gipasabot usab niini, nga wala kini nagpakaylap og peke nga medical report kondili naghatag lang og komentaryo base sa opisyal nga pamahayag sa Malacañang.
Dugang pa ni Celiz, nga gawas sa kaso nga iyang napiyansahan sa Pasay RTC Branch 119, posibleng adunay laing kaso nga mosunod tungod sa order sa Branch 111 sa Pasay RTC kalabot sa cyberlibel. Sigon ni niini, nga ang Pasay RTC Branch 111 nagmando sa Department of Justice nga isumite ang counter affidavit nga ilang gisang-at sa preliminary investigation tungod wala kini na-attach sa impormasyon nga gi-file sa korte.
Tungod niini, posible nga magpagawas og warrant of arrest sa kaso nga cyberlibel kung dili ma-aksyunan ang motion to quash nga ipasaka sa iyang abogado nga si Atty. Mark Tolentino. Pagklaro pa ni Celiz nga kung ma-file ang motion, mahimong molungtad pa og 10 hangtod 15 ka adlaw ang proseso, apan kung dili kini ma-aksyunan, posibleng sa Biyernes o Lunes magpagawas og laing warrant of arrest.
