-- ADVERTISEMENT --
BUTUAN CITY – Nakuha sa 21-anyos nga Filipina tennis sensation Alex Eala ang dakong dungog sa iyang karera human niini gipukan si World No. 2 Elena Rybakina pinaagi sa straight sets, 7-5, 6-4, aron mosulod sa quarterfinals sa 2026 Berlin Tennis Open sa Germany.
Bisan pa man sa kusog nga sinugdanan ni Rybakina nga mitala og 13 ka aces ug sayong mibanos sa 4-1 nga labaw, nadasig si Eala sa paghimo og impresibong comeback pinaagi sa iyang agresibong mga tirada ug saktong diskarte sa grass court.
Kini nga makasaysayanong kadaugan maoy labing unang higayon nga gipildi ni Eala ang top-two player sa tibuok kalibutan, ug nagdala kaniya ngadto sa sunod nga paway batok kang Elina Svitolina sa Ukraine.
