BUTUAN CITY – Gideklara na sa World Health Organization (WHO) ang pagtapos sa hantavirus outbreak nga may kalabutan sa usa ka cruise ship human makumpleto sa katapusangnatalang na-exposed sa sakit ang iyang quarantine ug nagnegatibo sa virus.
Sumala sa WHO, miabot sa 13 katawo ang natakdan sa outbreak samtang tulo ang namatay.
Ang outbreak gikutay sa Andes virus, usa ka talagsaong klase sa hantavirus nga sagad makaplagan sa Argentina ug Chile.
Nagsugod ang insidente human mibiya ang cruise ship nga MV Hondius gikan sa Argentina niadtong Abril 1.
Sa mga misunod nga semana, nakatala na og mga kaso sa impeksyon sa mga pasahero ug crew nga na-trace ug gipailalom sa monitoring ug quarantine.
Sigon sa WHO nga human ang negatibong resulta sa katapusang na-exposed sa sakit ug pagtapos sa quarantine period, wala nay natumvok nga bag-ong kaso sa hantavirus, rasong opisyal nang gitapos ang outbreak.
Ang hantavirus usa ka sakit nga napasa sa tawo gikan sa mga hayop, pinaagi sa exposure sa ihi, hugaw o laway sa mga infected nga ilaga ug mamahimong maghatud og grabeng respiratory illness.
