BUTUAN CITY – Gidepensahan ni Wilma Meñoza, residente sa Purok 5, Brgy Camayahan ning siyudad sa Butuan ang iyang kaugalingon, gikan sa mga bashers human siya gitudlo nga maoy mi-unay pagpatay sa iyang anak.
Ang pagtudlo kaniya nga suspek sa maong hitabo, mugna sa kakulang matud pa sa iyang angayang ipakitang reaksyon isip inahan nga napatyan og anak.
Iyang gipasabot nga dili siya angayang hukman base lang sa nakita sa mga tawo kaniya ilabina nga wala na siya ihilak human ang pila ka oras matud pa niyang paghilak dihang nawala pa lang ang iyang anak.
Ang wala matud pa makita sa mga tawo mao ang iyang gibati kon ang anaa sa iyang dughan nga iya lang gikontrol sa rasong dili siya gustong mas masakitan pa og maayo.
Wala na niya mapugngi pa ang iyang mga luha dihang iyang gisaysay kung unsa niya kapinangga ang iyang mga anak bisan og mga dagko na kini. Sakit matud pa kaayo ang pag-bash kaniya tungod sa pasangil nga siya ra ang nagpatay sa iyang anak.
Nanawagan kini sa mihimo sa iyang anak nga musurender na aron magaan-gaanan matud pa ang kasakit nga iyang gibati.
