BUTUAN CITY- Gipasiugda ni Atty. Sonny Matula, Presidente sa Federation of Free Workers, nga kinahanglan na karon ni Vice President Sara Duterte nga mo-atubang sa Senado uban sa iyang depensa sa nagpadayon nga impeachment trial, human gi-dismiss sa Korte Suprema niadtong Agosto 5 ang consolidated petition ni Duterte ug sa ubang petitioner kansa nagtumong sa pagpahunong o pagpa-walang-bisa sa bag-ong impeachment proceedings sa House of Representatives.
Sumala ni Matula nga gi-dismiss sa Korte Suprema ang petition tungod kay moot na kini, human makompleto sa House ang impeachment process ug ming-abot na sa Senado isip impeachment court ang kaso.
Gipatin-aw usab niini, nga wala gi-nullify sa Korte Suprema ang kasamtangang impeachment trial, wala usab niini gideklarar nga guilty ang Bise Presidente, ug wala hukmi ang merito sa mga Article of Impeachment.
Matud pa ni Matula, kinahanglan nang ipunting sa depensa ni Duterte ang ilang paningkamot sa Senado o Senate Impeachment Court aron tubagon ang mga alegasyon batok kaniya, imbes nga ipadayon ang pagsulay sa pagpahunong sa proseso pinaagi sa Korte Suprema.
