BUTUAN CITY – Init nga gisugat sa mga Pinoy sa London si Vice President Sara Duterte sa iyang pag-abot alang sa kalihokang “Mahalin Natin ang Pilipinas: Pagtitipon para sa Kapayapaan at Kaunlaran.”
Libuang mga miyembro sa Filipino community ang mitambong sa panagtigom nga gitumong aron personal nga makita ug masuportahan ang Bise Presidente.
Sa iyang pagpamulong, iyang giila ang kontribusyon sa mga Overseas Filipino Workers (OFWs) ug Filipino migrants sa UK, ug nanawagan og ka-isog ug malasakit aron ang pagtrabaho sa gawas mahimong kapilian, dili panginahanglan.
Gipasalamatan niya ang mga OFWs ug migrants sa ilang remittances nga dakong tabang sa ekonomiya sa Pilipinas ug gisaway ang nagpadayong kurapsyon sa kagamhanan sa Pilipinas nga mao matud pa’y nagpaluyo sa problema sa mga Pilipino.
Iya usab nga gipa-ambit ang daw kawala na’y kaluwasan sa kadalanan sa nasud tungod sa nagkada-iyang kremin nga nagapanghitabo kansa naghatag og kabalaka sa mga pamilya kung mugawas ang ilang kabanay.
