BUTUAN CITY – Gibatikos ni Vice President Sara Duterte ang pagsulay sa pag-silbio sa arrest warrant gikan sa International Criminal Court (ICC) batuk kang Senador Ronald “Bato” Dela Rosa.
Gipamugos sa Bise Presidente nga ang warrant nga gikan sa gawas sa nasud dapat unang iprisenta sa lokal nga korte sa Pilipinas.
Gihimo ni Duterte ang pamahayag sa usa ka interbiyu kaniya sa The Hague, Netherlands diin giduaw niya ang nakadetineng amahan nga si kanhe Pangulong Rodrigo Duterte.
Sumala pa niini, dili sakto ang nahimong lakang batuk sa Senador nga gisusama sa Bise Presidente sa gihimo kaniadto sa pag-aresto sa iyang amahan adiser hingpit nga gidala sa The Hague.
Mahinumdumang gisilbi ang ICC arrest warrant batuk sa kanhe Pangulo niadtong Marso 2025 gilupad padulong sa The Hague human giarestu ug gi-hold sa Villamor Air Base.
Samtang mibalibad usab ang ikaduhang pangulo nga magkomento sa kausaban sa liderato sa Senado. Sumala pa niini nga ang nasangpit nga hisgutanan anaa sa kaugalingong disesyon na sa mga senador.
