BUTUAN CITY- Gihangyo ni House Prosecutor Terry Ridon si Vice President Sara Duterte nga atubangon ang impeachment trial sa iyang pagbalik sa nasud human sa iyang overseas trip.
Sumala ni Ridon, importante nga moatubang ang bise presidente sa pagtaral ug ipatin-aw ang mga isyung gipasaka batok kaniya. Apan gipasabot ni Senate Presiding Officer Francis “Chiz” Escudero nga ubos sa lagda sa impeachment court, dili obligado si Duterte nga personal nga motambong tungod girepresentahan kini sa iyang mga abogado, gawas lamang kung magpagula og subpoena ang korte.
Gisukit usab ni Ridon ang gigikanan sa pondo sa mga biyahe ni Duterte sa gawas sa nasud gikan sa 2025 hangtod 2026, diin iyang gibanabana nga nagkantidad og milyones piso. Sa laing bahin, gipadayag na ni VP Sara nga personal niyang kuwarta ug walay pondo sa gobyerno ang gigamit sa iyang mga biyahe sa gawas sa nasud.
