BUTUAN CITY- Gipasidunggan ug gi-ampo ni Vice President Sara Duterte ang kaluwasan sa mga Overseas Filipino Workers (OFWs) nga duol sa tensyon sa Middle East, dungan sa pagsaulog sa nasud sa Semana Santa.
Sa gipagawas nga video message sa bise presidente kagahapong adlawa Lunes, Marso 30, gilahi niini sentro sa iyang mensahe alang sa Kwaresma pinaagi sa paghatag og gibug-aton sa sitwasyon sa mga Filipino workers nga anaa sa gawas sa nasud.
Sumala ni Duterte, ang maong mga trabahante buhing pamatuod sa tinuod nga sakripisyo, mao nga hugot niini gihangyo ang kalinaw alang sa rehiyon kansa padayon nga nakasinati og kagubot.
Gipahinumdom usab niini nga ang Kwaresma usa ka sagradong bahagi sa pagka-Pilipino—usa ka-panahon sa pagpamalandong sa sakripisyo sa Dios ug pagpraktis sa pag-alagad sa uban.
Partikular nga gipuntirya sa iyang panawagan ang kahimtangug siguridad sa mga Pilipinong nanimpad sa gawas sa nasud. Gawas sa kaayuhan sa mga OFW, ming-apela usab si Duterte sa publiko nga i-ampo ang Pilipinas aron kini pagadumalaan uban ang pagkamatinud-anon, hustisya, ug kaluoy.
Minglaun usab kini nga ang matag lungsuranon maghatag ug dakong pagtagad sa kaayohan sa nasud karong Lenten Season.
