BUTUAN CITY – Gipahayag ni Vice President Sara Duterte nga wala pa siya’y nahimong Senate slate para sa 2028 elections, bisan pag adunay pipila ka mga personalidad nga matud pa nagpahayag og interes nga mokuyog kaniya kung modagan siya isip presidente.
Sumala sa Bise Presidente, wala pa’y pinal nga listahan sa mga kandidato para sa Senado.
Sigon pa niini nga naa pa sa lebel sa panaghisgot ang posible nga paghiusa sa pipila ka interesadong indibidwal.
Mibalibad usab si VP Duterte nga pangandal ang nasangpit nga mga tawo tungod sa giingong “init” nga kahimtang sa politika.
Sumala pa ni Duterte, adunay mga higala ug mga tawo nga miduol kaniya nga nakasinati og hulga, harassment, ug pagpasaka og mga kaso.
Giisip pa lamang sila nga mga “presumptive candidates” tungod kay wala pa man magsugod ang pag-file sa certificates of candidacy.
Sa laing bahin, giangkon usab ni VP Duterte nga wala pa siya’y napiling running mate para sa pagka-bise presidente.
Matod niya, iyang ipahibalo kini kung adunay kandidato nga andam nang mokumpirma sa iyang pagdagan.
Nauna nang gipahibalo sa Bise Presidente ang iyang plano nga modagan isip presidente sa 2028 niadtong Pebrero karong tuiga.
