BUTUAN CITY – Giklaro sa usa ka eksperto nga nagsugod ang problema ni Kanhe Pangulong Rodrigo Duterte sa dihang nag-away ang iyang anak nga si Vice President Sara Duterte og Pangulong Ferdinand Marcos Jr.
Sigon ni Atty. Race Del Rosario nga kung wala lang nahitabo ang ilang away, dili seguro mosugot si Marcos jr nga dakpon ang kanhe pangulo og dalhon ngadto sa International Criminal Court kon ICC.
Kini tungod kay dili na pwedeng mosulod sa Pilipinas ang ICC kung walay pagtugot sa administrasyon tungod kay dili na kita miyembro sa maong tribunal.
Gikonsidera usab ni Atty. Rosario nga dakong sipyat ni Kanhe Pangulong Duterte ang pag-withdraw sa ICC sa pagtoong ma-absuwelto kini hinoon naputol ang kumunikasyon ngadto sa tribunal.
Kung wala lang unta matud pa kini naputol nga kumunikasyon, pwede pa unta ma-negotiate o mahangyu ang ICC nga dinhe lang taralon sa nasud ang kanhe pangulo tungod kay functional man ang criminal justice system.
