BUTUAN CITY – Mano-mano ang gihimong retrieval operation sa Local Disaster Risk Reduction and Management Council kon DRRMC alang sa tulo ka mga minerong nagpabiling missing human natabunang buhi sa natigayong landslide didto sa Mt. Manhupaw sa Brgy. Poblacion 2 lungsod sa Santiago, Agusan del Norte.
Sigon ni P/Insp. Ronilo Dormetorio – hepe sa kapulisan sa maong lungsod, tungod kini sa kalisod sa terrain sa maong lugar nga maglisod og dala og mga gamit ilabina ang heavy equipment.
Sa eksklusibong pakighinabi ning sibyahan, gibutyag ni Dormetorio nga sa upat nga namatay sa maong hitabo, nakanaog na sa national highway sa maong barangay og nadala na sa ospital sa Cabadbaran City ang minerong si Ramil Ilagan, 38-anyos, minyo og residente sa Brgy. Hinapayan, Carmen, Surigao del Sur.
Tungod sa kalayo sa dapit nga nahitabuan, gila-uman madala sa sentrong bahin sa lungsod sa Santiago ang patay’ng lawas sa mga biktima unyang gabii o kaha unyang kaadlawon. (Beth Ruiz)
