BUTUAN CITY – Muabot sa halos 2-mil ka indibidwal ang nabansay ilalom sa mga programa nga gipatuman sa Technical Education Skills and Development Authority kon TESDA-Agusan Del Norte.
Sigon ni Rey Cueva, Provincial Director sa maong buhatan nga sa pagtapos sa bulan sa Abril dunay muabot sa 400 ka benipisyaryo sa Institutional Based Program sa mga Technical Vocational Schools, 1,300 usab sa Community based Trainings Programs sa 12 ka local government units og kapin 300 sa Enterprise based Education Training nga gi-implementar sa mga partner agencies.
Gipahibalo usab ni Cueva nga dunay mga available slots alang sa sunod nga mga bulan nga implementasyon sa programa sama sa Visual Graphic design, Food processing, Electrical installation og uban pan.
Sa mga interesado, pwede silang modool sa mga Tesda Program Officers nga nagsilbing Community Training and employment Coordinators sa matag LGU o kaha direktang modool sa mga tunghaan nga accredited sa TESDA.
Pasabot pa sa opisyal nga sa Community Based Program libre ang training diha sa mga munisipyo samtang sa scholarship program, gawas sa libre ang pag-eskwela og assessment duna pay daily allowance nga muabot sa 160 pesos.
Samtang dunay special training for employment program usab ilalom sa opisina nila Congressman Joboy Aquino og Congressman Dale Corvera diin gawas sa daily allowance makadawat pa sila og toolkits.
Gitumbok usab ni Cueva nga dili masayang ang nakat-onan sa mga training tungod kay kung dili nila kini magamit sa pagpanarbaho, seguradong magamit nila kini sa personal.
Samtang dakong bentaha usab sa usa ka indibidwal ugaling dunay skills ilabina karung panahona.
