BUTUAN CITY – Laing minor-de-edad na usab ang mikutlo sa iyang kinabuhi pila ka adlaw lang ang milabay human unang nagtubok ang usa ka batang lalaki sa Buenavista, Agusan del Norte.
Naila ang pinaka-ulahing biktimang si Socrates Anatog Bagayon, residente sa Brgy. Salvacion ning siyudad sa Butuan.
Hangtud sa pagkutlo niini nga balita, blangko pa ang kapulisan sa Butuan City Police Station 4 sa rason sa pagpakamatay sa maong bayong-bayong tungod kay bisan ang iyang kabanay wala pa’y makitang hinungdan sa iyang pagpakamatay.
Nasayrang napalga na lang kining nagbitay na sulod sa ilang pinuy-anan pasado alas-sais sa buntag og dali gilayong gidala sa Butuan Medical Center sa iyang mga kabanay apan gideklara kining dead-on-arrival sa attending physian nga si Dr. Cecilio Cumba. (Beth Ruiz)
