BUTUAN CITY- Nasikop sa Surigao City Traffic Management Office kon SCTMO ug Civil Security Unit-Surigao City ang usa ka Bonggo nga Trak nga nagkarga og nagkalain-laing klase sa isda human kini masakpan nga wala moagi sa hustong proseso ug dokumentasyon, kagahapong adlawa Lunes, Abril 20, 2026, sa Prime Market, Surigao City.
Base sa inisyal nga imbestigasyon, ang mga produktong isda gikan sa lungsod sa Malimono ug padulong unta dad-on sa Siargao. Naila ang ang maong suspek ug driver sa truk nga si Janie Telan, residente sa Cantapoy, Malimono, Surigao del Norte. Atol sa inspeksyon, napamatud-an nga kulang o walay papeles ang maong kargamento, hinungdan nga gi-intercept kini sa mga otoridad.
Gipahayag usab ni April Grace Lisbo, City Agriculture Office sa syudad, nga importante ang pagsunod sa mga regulasyon ilabi na sa transportasyon sa mga pagkaon sama sa isda aron masiguro ang kalidad, kaluwasan, ug legalidad niini.
Sa pagkakaron, gihatagan usa og konsederasyon ang maong driver diin gipasabot usab nga warningan kini gumikan na usab sa kalapasan sa fishing landing. Gipahinumdoman usab ang tanang negosyante ug drayber nga likayan ang paglapas sa balaod ug siguroon nga kompleto ang dokumento sa ilang mga kargamento aron malikayan ang susamang insidente.
