BUTUAN CITY – Sugdan karung adlawa ang katapusang technical planning conference isip pagpangandam sa umaabot nga Palarong Pambansa sunod bulan sa Agusan Del Sur.
Sa gipaabot nga impormasyon ni Pedro Tecson, tigpamaba sa Department of Education kon DepEd-Caraga, nga karung hapon mangabot ang delegasyon gikan sa nasyunal aron motambong sa final technical Planning Conference nga moluntad hangtud sa Abril 23.
Sumala ni Tecson nga national level nga technical karun ang katapusang pagpangandam apan sa mga komitiba duna pay himoon niini nga pagplano.
Gibutyag usab sa opisyal nga dunay padayon nga mga pagpangandam sa venue sama sa contruction sa basketball court nga karun anaa sa 74 porsiento dayung pagpaneguro nga sa pagsugod sa Palarong Pambansa, 100 porsiento na ang tanang venues sa mga dula.
Samtang sa billeting quarters usab, giklaro niini nga dunay mga adjustments nga gihimo ilabina ang rekomendasyon human usab sa gihimo nga inspection.
Tungod niini, positibo si Tecson nga mahinayon gayud ang Palarong Pambansa 2026 bisan paman sa krises nga nasinatian tungod sa taas nga presyo sa produktong lana.
