BUTUAN CITY- Padayon ang technical level nga negosasyon tali sa Estados Unidos ug Iran sa Doha, Qatar, apan sumala sa mga tinubdan, wala mag-atubangay ang mga senior negotiators sa duha ka nasud.
Samtang nagpadayon ang mga panaghisgot, nasangyad ang usa ka langyaw nga cargo vessel sa mabaw nga bahin sa Strait of Hormuz human kini misulod sa gawas sa opisyal nga shipping lane nga gitakda sa Iran. Gipasiugda usab sa nag-unang negosyador sa Iran nga ang Strait of Hormuz mao ang labing kusgan nilang instrumento sa impluwensya ug dili pa magsugod ang pinal nga kasabutan hangtod dili matuman sa Estados Unidos ang unang mga kondisyon.
Sa laing bahin, mipahayag ang Israeli Energy and Infrastructure Minister nga si Eli Cohen nga padayon pang palapdan sa Israel ang kontrol niini sa Gaza Strip hangtod maangkon ang tibuok teritoryo.
