BUTUAN CITY- Gi-anunsyo sa Ministry of Defense sa United Arab Emirates nga ilang gipanalipdan ang kaugalingon batok sa “missile ug drone attacks nga gikan sa Iran,” samtang wala pa motubag ang Tehran sa maong akusasyon.
Usa ka drone attack ang nakaphimo og dakong sunog sa oil port sa Fujairah. Sigon sa Estados Unidos nga ang ilang navy destroyers ug US-flagged merchant ships nakalabay sa Strait of Hormuz, apan giingon sa Iran nga kini “entirely false.” Samtang gibutyag usab ni US President Donald Trump nga ang US motabang sa mga barko nga na-stranded sa shipping lane, diin gibanabana nga anaa sa 20,000 ka seafarers sa 2,000 ka barko ang naipit sukad nagsugod ang gubat sa US ug Iran niadtong Pebrero.
Sa laing bahin, sigon usab sa militar sa Iran nga nakapabuto sila og warning shots batok sa barko pandagat sa US, bisan pa nga gilimod kini sa US nga naigo sa missile. Kagahapong adlawa Lune, ang mga cargo ship gikan sa South Korea ug UAE mitaho nga naigo sa Strait, apan wala’y na-report nga na-angol.
