BUTUAN CITY- Gikumpirma sa aktor nga si Elijah Canlas nga natapos na ang ilang lima ka tuig nga relasyon sa aktres ug host nga si Miles Ocampo, human sa mga bulan nga pag-espekula bahin sa ilang panagbulag.
Sumala ni Canlas, mutual ug amicable ang ilang desisyon nga magbulag ug walay kasuko o ikatulong partido nga nalambigit, samtang gipili niini nga dili ibutyag ang tinuod nga hinungdan sa ilang panagbulag isip pagrespeto kang Ocampo ug sa ilang relasyon.
Sigon pa niini, gisulayan nila pag-usab ang pag-ayo sa ilang relasyon apan nakaamgo silang basin dili na gyud sila angay alang sa usag usa. Bisan pa sa ilang panagbulag, nagpabilin ang iyang gugma ug respeto kang Ocampo, apan temporaryo silang walay komunikasyon aron hatagan ang usag usa og panahon sa pag-ayo.
Gidismis usab ni Canlas ang mga alegasyon nga adunay kalambigitan si Thea Astley sa ilang panagbulag ug gipatin-aw nga mag-higla lamang sila ug ang viral nga video sa La Union gipasobrahan lamang sa publiko.
Sa pagkakaron, gipunting ni Canlas ang iyang panahon sa iyang kaugalingon ug karera, ug dayong butyag nga dili pa siya andam mosulod dayon sa bag-ong relasyon human sa lima ka tuig nga panag-uban kang Ocampo.
