BUTUAN CITY- Gikomperma sa United Arab Emirates (UAE) nga ang mga drone nga nga ming-atake sa ilang Barakah nuclear power plant niadtong mi-aging simana naggikan sa Iraq, nga nakapahimo og kabalaka sa seguridad sa rehiyon taliwa sa nagpadayon nga tensyon sa Middle East.
Nahitabo ang insidente niadtong Domingo, Mayo 17, dihang ming-igo ang usa ka drone sa usa ka electrical generator duol sa planta sa Abu Dhabi.
Mingresulta kini sa sunog apan walay nataho nga na-angol o contamination sa radiation. Duha pa ka drone ang na-intercept sa mga awtoridad.
Ang Barakah Plant ang nag-inusarang nuclear facility sa UAE ug naghatag og dul-an 1/4 nga kuryente sa nasud.
Bisan paman adunay ceasefire nga napatuman niadtong Abril 8, padayon gihapon ang mga taho sa pag-atake gikan sa teritoryo sa Iraq sa Gulf.
Niadtong Marso, lakip ang Barakah sa listahan sa mga potensyal nga target nga gipatik sa mga mantalaan sa Iran.
