BUTUAN CITY – Mitala og 46-puntos si Tyrese Maxey sa makakurat nga kada-ugan sa Philadelphia 76ers batuk sa New York Knicks atol sa ilang overtime game kaganina nga mitapos sa score nga 112-106 alang sa NBA Eastern Conference playoff.
Si Maxey ang nanguna sa pagpabangon sa Sixers gikan sa posible na unta nilang pagkataktak sa play-offs hinungdan nga makadula pa sila sa game six nga himuon sa Philadelphia.
Ang Knicks, nga maoy nanguna sa best-of-seven series pinaagi sa kartadang 3-2, gipangunahan ni Jalen Brunson pinaagi sa usa niya ka six-point lead atol sa 29-segundos na lang nga oras nga nabilin sa fourth quarter.
Apan mikamada si Maxey og usa ka 3-pointer dihang 9-segundos na lang ang nahabiling oras hinungdan sa ilang pag-tie nga miresulta sa overtime game.
Tungod niini, duna na’y dakong tsansa ang Sixers nga tablahon ang series sa ilang home court atol sa Game 6 nga himuon sa Philadelphia karong Biernes, oras sa Pilipinas.
