BUTUAN CITY – Kampante ang mga supporters ni US President Donald Trump sa estado sa Georgia nga mudaog kini sa Nobyembre 4 nga presidential election basta dili lamang matud pa manglimbong ang ka-atbang niining si Democrat candidate Joe Biden.
Kini ang panglantaw karon sa taga-Brgy. Libertad ning siyudad sa Butuan nga si Lourdes Macuno kinsa atua na nagpuyo sa Georgia.
Sa eksklusibong pakighinabi sa Bombo Radyo Philippines, gipadayag niining makita sa mismong mga rali ni Trump ang libuang mga tawong manambong sukwahi matud pa sa mga rali ni Biden nga ma-ihap lang.
Kini gawas pa nga usa ka Republican state ang Georgia gawas lang sa Atlanta kondiin ang ilang mayor, usa ka Democrat supporter.
Gani bisan ang iyang mga higalang Filipina, supporters gihapon ni Trump.
