BUTUAN CITY- Inihayag ni US President Donald Trump nga mingsugot na ang Iran sa pag-inspeksiyon sa ilang nuclear facilities nga “infinite” o “walay kataposan.”
Apan gilimod usab gilayon ug gipalgan sa Iran.
Sigon ni Trump sa iyang online account nga hingpit nang ming-uyon ang Iran sa nuclear inspections sa umalabot.
Gi-insistar usab niini nga ang mga bolyones dolyares nga frozen assets sa Iran nga buhi-an sa US, gamiton lang aron pangpalit og pagkaon ug medikal nga suplay gikan sa mga US company.
Apan hugot nga gilimod sa Iran ang mga claims ni Trump. Sigon sa mga opisyal sa Iran nga dili nila sugdan ang pormal nga negosasyon kalabot sa ilang nuclear program sa gihimong meeting sa Switzerland.
Sigon usab ni Ali Bahreini, ang ambassador sa Iran sa UN sa Geneva, nga ang Iran ang magdesisyon kung unsaon nila pag-gasto ang ilang kaugalingong pondo, sukwahi sa gibutyag ni Trump.
