BUTUAN CITY- Hugot nga gilimod ni Senador Antonio “Sonny” Trillanes IV ang pamahayag ni Davao Rep. Paolo “Pulong” Duterte nga adunay gipagawas na nga arrest warrant ang International Criminal Court (ICC).
Sumala ni Trillanes, wala pay gipagawas nga warrant batok sa ni kinsa man ug nagpabiling hungi-hong lang ang maong impormasyon.
Sigon ni Duterte nga adunay “highly reliable source” matud pa kining nagbutyag nga adunay warrant na batok sa pipila ka personalidad, lakip si Senador Christopher “Bong” Go.
Apan gipanghimakak gilayon kini ni Trillanes ug sa mga ahensya sa gobyerno, lakip ang Department of the Interior and Local Government (DILG) ug Philippine National Police (PNP), kansa nagbutyag nga wala silay nadawat nga unsa mang opisyal nga komunikasyon gikan sa ICC.
Base sa kataposang taho sa ICC, padayob gihapon ang imbestigasyon kalabot war on drugs niadtong administrasyon ni Kanhi President Rodrigo Duterte, apan wala pay gipagawas nga arrest warrant.
Sa datos sa Human Rights Watch, gibana-banang kapin sa 6,000 ka-tao ang daw napatay sa mga operasyon batok droga gikan tuig 2016 hangtud 2022, hinungdan aron mahimong sentro sa imbestigasyon sa ICC ang Pilipinas.
Gibarogan usab ni Trillanes nga kinhanglang magpabilin sa opisyal nga datos ug komunikasyon gikan sa ICC aron malikayan ang sayop nga impormasyon nga posibleng makapahimo og kalibog sa katawhan.
Dugang pa niini, nga ang unsa mang lakang sa ICC mo-agi sa husto nga proseso ug dili kinahanglang unhan sa mga hungihong.
