BUTUAN CITY – Gikabalaka karon sa mga tricycle drivers ug operators ang posibleng sunod-sunod nga pagsaka sa presyo sa mga produktong petrolyo ilabina ang gasolina, human ang laing hugna na usab sa price increase ning adlawa kansa ilang gikasubo.
Sa eksklusibong pakighinabi ning sibyahan, gibutyag ni Wilfredo Ybañez Jr., presidente sa Butuan United Tricycle Federation kon BUTF, nga ila na kining nalantawan tungod sa nagkadaghang mga nasud nga nalambigit sa kagubot ilabina niadtong mga tuburan sa lana sa pangkalibutanong merkado.
Sigon sa transport leader, bisan og gamay lang ang gisaka ning adlawa apan giklaro niining kung mu-abot ang panahon nga matibo na ang pagsige og saka sa presyo, dinhi na nila mabati ang kabug-at niini. Gikasubo ni Ybañez nga taliwa nga dugay na kini nga problema apan wala gihapon hatagi og pagtagad sa mga magbalalaud ilabina sa Kongreso ug mas gipili na hinuon ang pag-una sa mga lakang nga supak ang katawhan.
Ang problema matud pa sa gihingusgan sa mga magbabalaud nga pag-amenda sa 1987 Constitution pinaagi sa people’s initiative, mao ang kawala’y klaro sa pagpasabot nila sa ilang tumong nga naghatag na hinuon og pagduda sa katawhan.
