BUTUAN CITY- Dakong pasalamat ang gibati sa katawhan sa Agusan del Norte human nga nag NO si Congressman Dale Corvera sa Impeachment Case batok kang Vice President Sara Duterte sa House of Representatives niadtong miaging adlaw.
Sumala ni Roselyn Exaure, spokesperson sa Local Government Unit kon LGU Cabadbaran City, nga dako ang iyang pasalamat sa baruganan ni Congressman Dale Corvera nga mibotar og “No” sa impeachment case batok kang Vice President Sara Duterte. Sigon pa niini, nga ang desisyon sa Kongresista mao ang tinuod nga pasabot sa House of Representatives sa pagdala sa tingog sa katawhan, ilabi na sa Agusan del Norte.
Gipunting ni Exaure nga kini na ang ikaduhang higayon sa lig-on nga nagbaruganan ni Corvera sa “No” vote, gani gihatagan og ginbug-aton usab sa tigpamaba ang mga hungi-hong nga dili hatagan og pondo ang disteto ugaling dili mo pabor sa impeachment, matud niini, nga taliwala paman sa maong isyu wala ma-apektuhi ang serbisyo sa LGU Cabadbaran, ug nagpadayon gihapon sa pag-alagad sa katawhan partikular sa tibuok agusanon.
Gibutyag usab ni Exaure, nga adunay kaugalingong pondo ang probinsya ug nasudnong budget matag tuig, ug giprioridad ang mga programa alang sa nagkadaiyang sektor sa katilingban.
