BUTUAN CITY – Nagtuo si Rear Admiral Jay Tarriela sa Philippine Coast Guard nga ang transparency campaign mao ang yawe aron ipakita sa publiko ang iligal nga kalihukan sa China sa Bajo de Masinloc.
Gibutyag niining importante nga ipahibalo dayon sa katawhan ang presensya sa mga istruktura sa China aron mapugngan ang posibilidad nga magtukod sila ug artificial island duol sa Luzon.
Ang paglantad sa mga kalihukan sa China makatabang usab sa pagdaot sa ilang reputasyon sa mata sa kalibutan.
Gipunting ni Tarriela nga sakto ang tiyempo sa paglantad kay host country ang Pilipinas sa Association of Southeast Asian Nations kon ASEAN ug naghisgot sila sa Code of Conduct sa West Philippine Sea.
Samtang nagsugyot si kanhi Rear Admiral Rommel Ong nga ipakita sa Pilipinas ang presensya sa ruta nga gigamit sa mga barko sa China aron mapugngan ang ilang suplay ug ipakita ang klarong limitasyon batok sa agresyon.
