BUTUAN CITY – Padayon karun ang imbestigasyon sa natigayong sunog nga mikutlo sa kinabuhi sa 5 ka miyembro sa usa ka pamilya sa Purok-5, Caramcam, Mangagoy, Bislig City kaganinang kaadlawon.
Sigon ni SFO3 Danilo Lozarito, Chief Operation, Chief Investigator, Bislig City Central Fire Station nga nakadawat sila og fire call bandang alas 3:54 sa buntag rasong miresponde sila og 80 porsiento nang nasunod ang dakbalay pag-abot nila sa lugar.
Nakontrola ang kalayu bandang alas 4:06 sa buntag og nadeklarang fireout 4:11 na.
Sumala sa opisyal nga nakit-an ang mga biktima sa sulod sa lawak sa ikaduhang andana nga na-trap sa sunod.
Ang mga biktima gilangkuban nila Winfredo Lita; iyang kapikas sa kinabuhi nga si Juliet Quiapo, 28-anyos og ilang tulo ka mga minor-de-edad nga nagpangedarong 8-anyos, 6-anyos, og 3-anyos.
Saysay pa sa opisyal nga wala kamatikod ang mga biktima nga duna nay sunog diin ang ilang bintana naka-grills samtang usa lang usab ang exit og entrance.
Gawas sa mga biktima, na-angol usab ang duha ka indibidwal nga ila rang kabanay nga misulay pagluwas sa mga biktima.
Ang maong kalayu milamoy sa usa ka residential building nga gikonsiderang totally damaged samtang dunay usa ka partially damage. Sa inisyal nga gibana-banang damyos anaa kini sa 180 mil ka pesos.
