BUTUAN CITY – Parehong sulod sa weight limit sila Terrence Crawford ug Errol Spence alang sa ilang Welterweight title unification fight ugmang adlawa nga himuon sa Las Vegas Nevada.
Sa 147-pounds weight limit, mitimbang og 146.3-libras si Terrence Crawford samtang insaktong 147-libras usab si Errol Spence. Parehong wala’y pildi ang duha ka boksingero kondiin ang 35-anyos nga si Crawford duna’y 39 ka daug kondiiin 30 niini ang knockouts samtang ang 33-anyos nga si Spence duna usa’y 28 ka daug kondiin 22 niini ang knockouts.
Ang mudaog kanila mao ang ilhong unang undisputed welterwieght champion sa upat k bakus tungod kay nakataya man sa ilang away ang IBF kon International Boxing Federation, WBA kon World Boxing Association ug ang WBC kon World Boxing Council welterweight belt ni Spence satang nakataya usab ang WBO kon World Boxing Organization belt ni Crawford.
