BUTUAN CITY – Gipildi sa Belgium sa Round of 16 sa FIFA World Cup 2026 ang Team United States of America kon USA sa score nga 4-1 rason nga natangtang na ang co-host USA ug nakasulod ang Belgium sa quarterfinals nga gikatakdang mu-away batuk sa Spain.
Unang naka-goal si Charles De Ketelaere sa Belgium atol sa ika-9 nga minuto sa dula nga gisundan ni Malik Tillman alang sa USA atol sa ika-31 minutos ug subling naka-goal og balik si De Ketelaere sa ika-33 minutos.
Wala na nasundan pa ang goal sa USA samtang sa ika-57 minutos, naka-goal na usab ang Belgium pinaagi ni Hans Vanaken nga gisundan ni Romelu Lukaku nga nagsilbing stoppage time finisher.
Tungod sa maong kada-ugan, maka-agbat sa Belgium ang Spain alang sa quarterfinals nga himuon sa Los Angeles, California.
Kini na ang ika-upat sa lima ka World Cups nga wala sila makalusot sa quarterfinals ang Team USA.
