BUTUAN CITY – Gikumpirma ni Police Regional Office-12 regional director PBGen Marcial Mariano Magistrado IV pinaagi sa iyang gipagawas nga official statement nga tinuod ang una nang nabaniog ning mi-aging adlaw kalabot sa nasapon nga babaye ug lalaking pulis nga nasapong naghilawas sulod sa gi-abangang lawak sa may Brgy. Bayanihan ning siyudad sa Butuan.
Migawas sa ilang gihimong imbestigasyon nga parehong minyo ang duha ug aktibong membro sa ilang rehiyunal nga buhatan kinsa nasapon sa bana sa babayeng pulis rason sa pagpasaka na niini og kasong adultery ug concubinage apil na ang kasong administratibo batuk sa duha.
Sigon ni PRO-13 spokesperson PLCol Jennifer Ometer, nagpahimangno na si General Magistrado ngadto sa tanan nilang mga personahe nga dili niya palabyon ang mga maka-uulaw nga binuhatan nga makadaut sa ilang uniporme ug sa reputasyon sa ilang organisasyon.
Gipaniguro usab niini ngadto sa publiko nga wala’y ihatag nga special treatment ngadto sa nalambigit niyang mga sakop.
