BUTUAN CITY – Aminado si Bombo international correspondent to Mexico Dr Ivan Marino nga preparado kaayo mentally ug physically ang football national team sa England sa ilang pag-atubang sa Mexico sa mismo nilang home court sa Estadio Azteca sa Mexico City kagahapon rason sa ilang kada-ugan.
Sa eksklusibong pakighinabi sa Bombo Radyo Butuan, gipadayag ni Dr Marino nga mibalik sa World Cup ang England nga mas kusgan ug mas maayo ang tanan nilang mga magdudula ilabina ang ilang mga top players, partikular na niini si Jude Bellingham nga kaduha naka-score kondiin ang iyang performance maoy naka-secure sa ilang kada-ugan.
Aminado ang Mexican doctor nga usa siy Bellingham sa pinakamaayong mga football players sa tibuok kalibutan ug world-class player. Dili lang matud pa ang technical quality ang gitutukan sa England kondili apil na ang pagbasa niya sa mga higayon nga maka-goal siya alang sa ilang koponan.
Samtang bisan matud pa og napildi ang ilang national team apan gipakita gihapon sa Mexico nga delikado sila nga kaaway.
Nakahimo matud pa ang Mexico football team og maayong transisyon tungod kay kanunay silang mangita og maayong higayon nga maka-goal atubangan sa ilang home crowd.
Kini ang hinungdan nga proud gihapon kaayo sila sa ilang national team samtang aminado si Dr Marino nga ang away kagahapon, mao na ang katapusang football match sa World Cup sa ilang nasud.
Samtang isip pagsaludo sa pakigkutay sa Bombo Radyo Butuan ngadto sa ila mismong nasud aron lang makahatud sa pinaka-ulahing katikaran sa World Cup, migamit pa kini sa sikat nga extro sa Bombo Radyo Philippines.
