BUTUAN CITY – Girepesto ni Rovelyn Baterbonia ang desisyon sa iyang anak nga si Rhenz nga mag-eskwela sa Davao City National High School (DCNHS), sukwahi sa naha-una niining plano nga mupadayon sa pagtuon sa Ateneo De Davao University.
Sumala ni Rovelyn, si Rhenz mismo ang nagpadayag nga iyang kagustuhan nga didto siya mu-eskwela sa City High aron maka-adjust sa ilang bag-ong kahimtang human sa trahedya nga mi-abot sa ilang kinabuhi.
Mala-umon si Rovelyn nga makatabang ang pag-eskwela ni Rhenz sa City High aron hinay-hinay kining makabalik sa normal nga kinabuhi ug makapadayon sa iyang pagtuon isip usa ka student-athlete.
Init siyang gidawat sa mga magtutudlo ug estudyante sa maong tunghaan isip bag-ong miyembro sa ilang komunidad.
Si Rhenz mao ang manghud ni Rene Clert “Bobet” Baterbonia, ug ang iyang pag-enrol sa Davao City High nagtimaan sa usa ka bag-ong sinugdanan alang kaniya ug sa ilang pamilya samtang padayon silang mibangon gikan sa kasubo ug sakit nga ilang nasinatian.
