BUTUAN CITY – Mipalag na usab karon si Kagawad Ruben Canoy sa Brgy Camayahan ning siyudad sa Butuan human naka-abot kaniya ang impormasyon nga ang tag-iya matud pa sa yuta diin napalgan ang patay’ng lawas ni Ian Meñoza nga si Jerome Dumdum, mao matud pa ang mipatay sa 2-anyos nga bata.
Sa usa ka interview, gidepensahan sa kagawad si Dumdum gikan sa maong pasangil tungod kay wala matud pa kini docket sa ilang barangay tungod sa kabu-utan niini nga pagkatawo bisan tuod og mu-inom.
Sigon ni Kagawad Canoy, nasuko karon ang mga kabanay ni Dumdum human nga gidamay na si Jerome sa kremin.
Natural matud pa nga makita ni Dumdum ang patay’ng lawas tungod kay diha matud pa kini sa agi-anan, bisan tuod og kini gitabunan og mga sagbot ug kahoy.
Gikumpirma usab niini nga wala pa’y nadawat ng resulta sa otopsiya ang ilang barangay nga maoy magtumbok sa hinungdan sa kamatayon sa bata. Sigon ni Kagawad Canoy, posibleng mapagawas na ang resulta human og lubong sa biktima.
