BUTUAN CITY – Gikumpirma sa militanteng grupong Hamas nga napatay sa iyang balay sa Tehran Iran ang ilang lider nga si Ismail Haniyeh atol sa gilusad nga raid sa Israel.
Gihulatan pa sa mga world leaders ang tubag sa Israel niini apan una na nilang gisaad nga pulbuson ang maong grupo human ang ilang pag-atake sa Israel niadtong Oktubre 7 ning mi-aging tuig nga mikalas og 1,200 ka mga Israelis.
Ang kamatayon ni Haniyeh nakumpirma pila ka oras human gipadayag sa Israel nga ilang napatay ang usa ka senior Hezbollah commander sa strike nila sa Beirut, Lebanon.
Ang pag-atake sa duha ka mga senior militant leaders nga gisupotahan sa Iran sulod lang sa 24-orqas, naghatag og kabalaka nga posibleng mukaylap na ang kagubot sa rehiyon.
Nasayrang atua si Haniyeh sa Tehran aron pagtambong sa inagurasyon ni Iranian president Masoud Pezeshkian.
Samtang gikumpirma usab sa Revolutionary Guards sa Iran nga napatay usab sa maong pag-atake ang usa sa mga bodyguards ni Haniyeh.
