BUTUAN CITY – Gipa-ilalom na karon sa hospital arrest ang suspek sa brutal nga pagtigbas-patay kagahapong adlaw sa usa ka 9-anyos nga batang babaye sa Purok 4-A, Brgy. Taligaman ning siyudad sa Butuan.
Nasayrang nalandig sa Butuan Medical Center kon BMC ang 30-anyos nga suspek nga si Jayward Diez, residente sa susamang dapit tungod sa pag-lu-go sa iyang li-og pila ka oras human sa iyang gihimong kremin pasado alas-onse kagahapon sa buntag nga mikutlo sa kinabuhi sa biktimang gitago lang sa pangalang Inday, residente sa Purok 3 sa maong barangay.
Madumdumang sa eksklusibong pakighinabi sa Bombo Radyo Butuan, una nang gipadayag sa amahan sa biktimang si Almirante Apat nga adiser siya namaligya og isda, nasayran niyang padulong sa Taligaman Elementary School ang iyangkinamaguwangang alang sa pag-apil sa Brigada Pagbasa ug nakigdula pa kini sa ubang mga bata dihang naka-uli na.
Dako na lang ang iyang kakurat dihang sa iyang pagpa-uli, ang ngilngig nga nadangatan na sa iyang anak ang misugat kaniya.
Base sa pagsusi sa patay’ng lawas sa biktima, duna kini dako nga samad-tinigbasan sa luyo sa iyang ulo ingon man kilid sa iyang tuong bahin sa ulo ug likod hinungdan sa iyang hinanaling kamatyaon.
