BUTUAN CITY- Giklaro sa Korte Suprema kagahapong adlawa Domingo nga wala pa kini magpagawas og desisyon sa main petition nga gisang-at ni kanhi President Rodrigo Roa Duterte ug ni Senador Ronald “Bato” dela Rosa, taliwala sa mingkuyanap nga isyu kalabot sa kaso.
Sumala sa tigpamaba sa Korte Suprema, nga ipublikar karung adlawa Lunes ang mga opinyon kalabot sa pagdumili sa temporary restraining order kon TRO o status quo ante order batok kang kanhi Executive Secretary Lucas Bersamin ug uban pang respondents.
Gipunting sa Korte Suprema nga “wala pa’y desisyon sa main petition,” human sa mga report nga naghisgot sa gibutyag ni Senior Associate Justice Marvic Leonen nga mogawas na ang desisyon.
Giklaro sa Korte nga ang mga pamahayag ni Leonen “gikuha gawas sa konteksto” atol sa miting uban sa Integrated Bar of the Philippines ug Mindanao State University sa Marawi City kansa naghisgot bahin sa Shari’ah law ug responsibilidad sa mga abogado.
