BUTUAN CITY – Wala ma-establisar sa Butuan City Police Office ang sumbong sa usa ka dalaga ngadto sa usa ka local radio station ning siyudad nga gisulayan matud pa siya pagdagit niadtong Biernes, Septembre 9 sa alas-4:30 sa hapon.
Kini ang giklaro ni PMajor Riza Torotoro, tigpamaba sa Butuan City Police Office sa eksklusibong pakighinabi sa Bombo Radyo Butuan, base sa lawom nga imbestigasyon nga ilang gihimo.
Sigon sa opisyal, human nila nakita ang post sa maong sibyahan, sila mismo ang miduol og nangayo og contact number sa gika-ingong biktima aron kini ma-imbestigahan.
Ila matud pang gihimo ang re-enactment sa maong hitabo dapit sa may City Hall padulong sa kanto sa Langihan area base na sa pamahayag sa babaye hangtud sa gisulti niining gitabangansiya sa usa ka lalaki, gipalingkod pa og gipalitan og makaon.
Tanan nga gisaysay sa babaye wala nila ma-establisar gawas lang sa pag-adto niya sa Bureau of Internal Revenue kon BIR diin siya naka-log in.
Hapit na makompleto ang ilang imbestigasyon ug sa kadaghan sa mga indibidwal, mga buhatan sa gobyerno ug mga establisamiento nga ilang gidu-ulan apil na ang pag-extract sa CCTV footage adiser ug human sa oras nga iyang gitumbok, wala’y na-monitor nga komosyon sa maong lugar.
Wala usa’y nakita nga kolor itom nga pick-up vehicle nga maoy gitumbok sa babaye nga responsable pagsulay pagdagit kaniya.
