BUTUAN CITY- Hingpit nang naduso ngadto sa hawanan sa House of representatives ang usa ka sugyot balaodnon nga mag-uktaba sa Barangay og Sanguniang Kabataan Elections kon BSKE. Nasayrang gitakda ang piniliay sa Nobyembre 2 ning tuiga. Sa sugyot balaodnong nga gisang-at, isibog ang maong piniliay sa Nobyembre 2028.
Nakalatid kini sa House Bill no. 10376 nga base sa pagbasa, giduso kini sa mga house leaders og deputy speakers sa kamara sama nila Congressmen Garin, Acidre, KhongGun, Ortega og Ridon.
Ang maong sugyot balaodnon, anaa pa sa unang pagbasa rasong moagi pa kini sa makuting pakigsusi diin halayu pa ang ma-abtan niini tungod kay moagi pa kini sa Committee deliberations nga sundan sa 2nd Reading hangtud sa 3rd Reading sa House samtang aprubahan sa senado apan kung lahi ang bersiyon sa senado dunay himoon usab nga bicameral committee adiser mapirmahan sa pangulo.
Tungod niini, giklaro nga wala pay pormal nga pag-uktaba sa piniliay hangtud nga mahimong hingpit nga balaod ang giduso nga sugyot
