BUTUAN CITY – Gikumpirma sa Islamic Revolutionary Guards Corps (IRGC) sa Iran nga gilusad na nila ang mga balos nga pag-atake batok sa mga pwersa sa Estados Unidos sa rehiyon, ug espesipikong gihisgutan ang mga base militar sa Kuwait, Bahrain, ug Jordan.
Kini human nga unang naglusad ang United States Central Command (CENTCOM) og mga pag-atake batok sa daghang target sa Iran isip depensa matud pa sa ilang kaugalingon.
Una nang nagpasidaan si US Presidenti Donald Trump nga nangandam na ang ilang militar alang sa dugang pang pag-atake sa Iran tungod sa wala gihapon makab-ot nga kasabutan nga unta makabenepisyo kanila rason nga karon, kinahanglan nilang atubangon ang sangputanan.
Gitaho sa media sa Iran nga gi-atake sa nagkada-iyang lugar, sa ilang nasud lakip na ang pantalan sa Bandar Abbas, Qeshm Island, ug ang mga lungsod sa Sirik, Minab, ug Karaj sa kasadpang bahin sa Tehran. Tungod niini, gimando nasa militar sa Iran ang hingpit nga pagsira sa Strait of Hormuz alang sa tanang barko, lakip ang mga oil tanker ug komersyal nga sakayan.
Samtang nagpadayon usab ang mga pag-atake sa Israel sa Lebanon kondiin daghang mga kaswalti ang gitaho sa mga airstrikes sa habagatang bahin sa nasod ug sa rehiyon sa Bekaa Valley. Ang kinatibuk-ang ihap sa namatay sukad sa Marso tungod sa mga pagpamomba sa Israel miabot na sa 3,696 ka mga tawo.
