BUTUAN CITY- Mipahigayon og Special Coordination Meeting ang League of Municipalities of the Philippines kon LMP sa Sangguniang Panlalawigan Session Hall sa Agusan del Sur kagahapong adlawa Mayo 15, diin nagtigom ang mga provincial leader aron hisgutan ang preparasyon sa umalabot nga Palarong Pambansa 2026.
Ang maong panagtapok gipangulohan ni Governor Santiago. Cane Jr. uban ni Vice Governor Patricia Anne Plaza ug mga kongresista sa 1st ug 2nd Districts nga sila Alfelito Bascug ug Adolph Edward Plaza. Mingtambong usab ang mga mayor sa dakbayan ug matag lungsod sa probinsya. Gibanhig sa maong panagtigom ang panaghiusa sa mga lokal nga pangagamhanan, pag-andam sa logistics, ug pagpatuman sa mga programa nga mosuporta sa kalihukan.
Gipunting niini ang kolektibong determinasyon sa Agusan del Sur nga mahimong malampuson ug mamahimong memorable ang Palarong Pambansa 2026, samtang nagpalig-on sa kooperasyon ug kalamboan sa tibuok probinsya.
