BUTUAN CITY – Dakong kawad-on sa nasud ang pagtaliwan na ni kanhi Pangulong Benigno Simeon ‘Noyoy’ Aquino III.
Kini ang pagklaro ni Association of Philippine Electric Cooperatives kon APEC partylist Rep. Sergio Dagooc, sa eksklusibong pakighinabi sa Bombo Radyo Butuan.
Sigon ni Congressman Dagooc, bisan unsa pa man ang adbokasiya sa usa ka kanhi pangulo sa nasud, nga gisupak sa kadaghanan, dako gihapong kawad-on ang ilang hingpit nang pagbiya sa kalibutan.
Gani, isip general manager sa duha ka nga electric cooperatives dinhi sa Caraga Region, dako matud pa og gikatampo sa rural electrification program kon pagpasuga sa kabaryuhan ang kanhi pangulo kansa maoy dili makalimtan sa mga tawo ilabina nga dihang gilusad kini niadtong tuig 1969, wala kini mabati sa katawhan sa mga lagyong dapit.
Sa panahon matud pa ni kanhi Pangulong Noynoy Aquino, naggahin og dakong pundo ang nasudnong kagamhanan kada-tuig alang sa maong programa nga gibansagang Sitio Electrification Program.
Bisan matud pa og gipadayon kini karon sa administrasyon ni Pangulong Rodrigo Duterte, apan sa panahon nila kanhi Pangulong Gloria Macapagal-Arroyo ug ni Noynoy, gigahinan og dakong pundo ang nasangpit nga programa.
