BUTUAN CITY – Temporaryong gidetine sa Butuan City Police Station kon BCPS-2 Custodial Facility ang usa ka Street level Individual kon SLI nga gi-categorize isip user/pusher human ang malampusong buy-bust operation pasado alas-5:25 kagabii sa gawas nga bahin sa national museum compound sa P-16, Brgy. Doongan, ning siyudad sa Butuan.
Nakuha gikan sa posisyon ni alias Gamay kinsa naila sa tinuod nga kinabuhi nga si Junfre Bual Ganabe, 29-anyos, duna’y live-in partner, laborer ug residente sa P-9, Brgy. Holy Redeemer ning siyudad ang usa ka heat-sealed transparent plastic sachet nga duna’y sulod nga gitu-uhang shabu kansa object sa pagpamaligya uban sa lain pang sachet sa susamang epektos kansa mikantidad ang tanan og 204-mil pisos; 14-mil pisos nga marked money kondiin usa lang ka one thousand peso bill ang tinuod samtang 13 ka buok ang boodle money.
Nakuhaan pa siya og usa ka yunit sa cellular phone kolor itom ug usa ka motorsiklo.
Nasayrang dihang na-corner ang suspek, milayat kini sa barbed wilre pasulod sa museum hinungdan sa pagkasamad sa iyang mga kamot apan gigukod kini hinungdan sa iyang pagkasikop.
