BUTUAN CITY- Gibatikos ni Senador Risa Hontiveros ang paglambigit sa mga minority senator likod sa pag-aresto kang Senador Ronald “Bato” dela Rosa.
Giklaro ni Hontiveros nga wala na sa complex sa Senado ang mga minority senator, ingon man ang ilang staff ug mga empleyado, dihang natigayon ang pinsusilay niadtong Miyerkules sa gabi dahil human sa sesyon.
Gipasabot usab sa senadora, nga kini mingsibat na sa Senado tungod aduna kini naka-iskedyul nga conference sa probinsya.
Kalabot niini, hugot niining gibutyag nga dili gamiton sa pamulitika ang pag-uli sa mga empleyado sa Senado nga matinud-anong gibuhat ang ilang trabaho.
Gikasubo usab ni Hontiveros ang insidente sa pagpamusil sa Senado, diin asa gihukagway niini nga “The People’s House.”
Maud pa ni Hontiveros, ang institusyon kung asa gihimo ang mga balaod ug gidepensahan ang mga katungod, daw usa na ka “shooting range,” nga nakadaot sa pagsalig sa publiko.
Nanawahan usab kini kang Senador Dela Rosa nga makigtambayayong sa mga awtoridad kalabot sa iyang warrant aron malikayan ang kapintasan ug tensyon sulod ug gawas sa Senado.
